Me dëshirën për të ndihmuar pacientët që nuk kanë mundësi të vizitojnë vazhdimisht një dermatolog, por edhe për të informuar këdo që është i interesuar, po bëj një klasifikim më të detajuar të llojeve të lëkurës zakonisht problematike, si dhe rekomandimet përkatëse.
Lëkura intensivisht seborreike karakterizohet nga një sekrecion shumë i bollshëm sebiumi. Zakonisht, zona rreth cepave të hundës, mollëzat në afërsi të hundës, midis vetullave, vetullat dhe kurora e kokës janë të acaruara dhe kanë zbokth. Për këta pacientë trajtimi është shumë më serioz dhe i vështirë për t’u menaxhuar vetë. Rekomandohet që në situatat “e krizës” të këshillohen me një specialist dermatolog deri në normalizimin e situatës.
Karakteristikë e kësaj lëkure është pamjaftueshmëria e ndjeshme e yndyrës. Këta pacientë prezantojnë rrudha të holla që në fëmijërinë e hershme. Gjatë adoleshencës qahen për një ndjeshmëri të lartë të lëkurës dhe një ndjesi tërheqjeje të theksuar, gjë që shpesh i bën nervozë dhe shumë të ndjeshëm, pothuajse gjatë gjithë kohës.Një rrudhë e ndjeshme poshtë syrit, e shfaqur rreth moshës 15 vjeç, bëhet një shqetësim social.
Karakteristikë e kësaj lëkure është shkalla e lartë e tharjes. Lëkura duket si karton. Plaket shpejt dhe çfarëdo që t’i bësh nuk ndihesh dot rehat. Shpesh këta pacientë janë të papërqendruar, në dukje superaktivë për të shmangur ndërgjegjësimin e bezdisë së vazhdueshme që krijon kjo lloj lëkure. Jo rrallë bëjnë shumë alergji apo ekzema të fisuruara. Neuropatitë janë normale në këta pacientë, sidomos pas të 40-tave.